पोखरा । कास्कीको भदौरेमा जिप दुर्घटना हुँदा २ जनाको मृत्यु भएको छ । दुर्घटनामा १० घाइते छन् ।
पोखराबाट अन्नपूर्ण गाउँपालिका वडा ४, भदौरे देउराली जाँदै गरेको ग १ ज ५५४७ नम्बरको जीप आइतबार दिउँसो करिब ४ बजे दुर्घटना भएको हो । सशस्त्र प्रहरी बल कालिकागणका अनुसार दुर्घटनामा परी २ जनाको मृत्यु भएको हो । उनीहरुको पहिचान खुलेको छैन । घाइतेको उद्धार गरी पोखराको पश्चिमाञ्चल क्षेत्रीय अस्पताल र मणिपाल शिक्षण अस्पताल ल्याइएको छ ।
जिप भदौरे देउराली नजिकै पुग्न लाग्दा थामडाँडा घुम्तीबाट करिब २ सय मिटर तल खसेर टुक्राटुक्रा भएको छ ।