पाेखरा, ५ असार ।नेपाल स्काउटको ७३ औ स्थापना दिवसको अवसरमा प्रदेश स्काउट कार्यालय गण्डकी प्रदेश को आयोजनामा दोश्रो Adventure Fest -2081 शुरु भएको छ । पोखराको शान्तिबन बाटिकामा असार ५ गते देखि ८ गते सम्म चल्ने कार्यक्रमको उद्घाटन गण्डकी प्रदेशका भौतिक पुर्वाधार मन्त्री राजिव गुरुङले गर्नुभयो ।
नेपाल स्काउट गण्डकी प्रदेशका प्रदेश प्रमुख आयुक्त सागर पौडेलको अध्यक्षतामा भएको कार्यक्रममा आज पहिलो दिन गण्डकी प्रदेशका विभिन्न बिध्यालयहरु बाट ६७० जना बिध्यार्थिहरुको सहभागिता रहेको थियो । विभिन्न २५ प्रकारका साहसिक कृयाकलापहरुमा बिध्यार्थी हरुले अभ्यास गर्नेछ्न । असार ८ गते सम्म सन्चालन हुने कार्यक्रममा २५०० जना बिध्यार्थिहरुको सहभागिता हुने आयोजकको दावी रहेको छ।
बिध्यालय तहका बिध्यार्थी हरु लाई विभिन्न साहसिक कृयाकलापहरुमा सहभागी गराई बिपद्को हुनसुकै बेलामा उद्दार कार्यमा केही हदसम्म भए पनि सक्षम बनाउने उदेश्यका साथ कार्यक्रम सन्चालन गरिएको प्रदेश स्काउट कार्यालयका कार्यालय प्रमुख बिजय पौडेलले बताउनुभयो ।