पाेखरा, कार्तिक २० गते ।पोखरा महानगरपालिकाले करार कर्मचारी हटाउने निर्णयको विरोधमा एमालेका जनप्रतिनिधि र कर्मचारीले संयुक्त रुपमा धर्ना सहित बिराेध प्रदर्शन गरेका छन ।
धकेला धकेल हुर्दा नगरप्रहरी सई सन्तबहादुर केसी घाइते भएका छन् ।उनको अण्डाकोषमा चोट लागेको नगरप्रहरीले जनाएको छ । नगरप्रहरीका अनुसार उनलाई अस्पताल भर्ना गरिएको छ ।
धर्ना कार्यक्रम भाेलि बुधबार पनि जारी रहने वडा अध्यक्ष राधिका शाहीले जानकारी दिइन । मेयर विदेश भ्रमणमा रहेकाले अहिले धर्ना मात्रै दिइएको र मेयर आएपछि थप कार्यक्रम घाेषणा गरिने उनले बताइन ।
यहि १५ गते बसेकाे कार्यपालिका बैठकले २८ जना करारका प्राविधिक कर्मचारीलाई कार्तिक ३० गतेसम्म म्याद थप गरेर हटाउने निर्णय गरेकाे थियाे भने एमाले कार्यपालिका सदस्यहरुले बैठक बहिष्कार गरेका थिए ।
उनीहरुले कर्मचारी निकाल्न नहुने भन्दा संगठन संरचना पारित गर्नुपर्ने, काजमा आएका कर्मचारीलाई फिर्ता गर्नुपर्ने र कनिष्ठका आधारमा करार कर्मचारी हटाउनुपर्ने माग गरेर आन्दोलन गरेकाे एमालेबाट निर्वाचित वडा नम्बर १७ का अध्यक्ष राधिका शाहीले जानकारी दिइन ।
यसअघि कात्तिक १५ गते पोखरा महानगरको कार्यपालिका बैठकले करार कर्मचारी हटाउने निर्णय गरेको थियो । सो निर्णयको एमालेले विरोध गर्दै आएको छ ।